Google ADS

Filipçe: Gjendja e pacientes me coronavirus është stabile dhe pa komplikime

15:56 | 27 Shkurt 2020
A. B.

Ministri i Shëndetësisë Venko Filipçe, njoftoi se pacientja e vetme që është infektuar me coronavirus, është në gjendje stabile dhe pa komplikime të rënda.

Filipçe tha se ajo ndodhet në izolim në Klinikën Infektive, ndërsa shtoi se udhëtarët që kanë qenë në të njëjtin furgon janë izoluar në shtëpitë e tyre, përcjell Telegrafi Maqedoni.

“Gjatë mbrëmjes së djeshme janë kontaktuar të gjithë udhëtarët e furgonit, dhe të gjithëve iu është shkruar izolim adekuat në kushte shtëpie. Kemi rënë në kontakt me të gjithë kontaktet që kanë pasur udhëtarët e furgonit. Të gjithë këta persona, nuk kanë pasur kontakte me grupe të mëdha njerëzisht, por vetëm me familjarët e tyre të ngushtë. Vendi i izolimit do të vërtetohet në bashkëpunim me përfaqësuesit e MPB-së . Nëse ata thonë se ndonjë objekt është më rëndë për tu siguruar, jemi të gatshëm t’i transferojmë nëpër repartet Infektive”, tha Filipçe.

Shpërndaje në rrjete sociale

Lajmet më të lexuara

Të ngjashme

Foto lajm